#EtxetikMundura

Egoitz Eizagirre, etxetik mundura bertsotan

Karkara 2020ko api. 1a, 20:00

Egoitz Eizagirrek bertso hauek bota ditu #EtxetikMundura egitasmorako, gai honi tiraka: "Euskal Herriko eta munduko agintari batzuen ustez, momentu honetan, lehentasun nagusia ekonomia ez gelditzea da".

Urola Komunikazio Taldeko (UKT) tokiko gainerako hedabideetan beste hainbat saio ikusi ahal izan dira gaur: Maxixatzen.eus-en Bulego taldeko Toma Lizarazu, Zarauzkohitza.eus-en Antivirus taldea, eta Baleike.eus-en Iñaki Atrian kokteleroa.

Bihar izango dute jarraipena emanaldiek; izan ere, herriko beste hainbat sortzaileren saioak prest ditu dagoeneko KARKARAk, baita UKTko gainerako hedabideek ere. Dena den, tokian tokiko saioen iragarpenen zerrendetan agertzen ez diren sortzaileek ere izango dute egitasmoan parte hartzeko aukera. Horiek bideoak zuzendaritza@ukt.eus e-posta helbidera bidali besterik ez dute; edozein kultur adierazpenekin lotutako emanaldiak onartzen dira. Beraz, animatu eta bidali zuen bideoak!

Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide