Aita Lertxundi kaleko obrak dezente aurreratu dira azken asteetan eta, horren ondorioz, Donostia aldetik datorren autobusa betiko geltokian geratzen da joan den ostiralaz geroztik. Markesina ez dago oraindik jarrita; obrak berriro hasten direnean jarriko dute.
Datozen bi asteetan, gutxienez, obra geldituta egongo da, Espainiako gobernuak hartutako neurrien ondorioz, eta, berriro lanak abiatzen direnean, beste 3-4 aste beharko dira guztiz bukatzeko: aurrena orain arte egindako zatiko baldosak jarriko dituzte eta, ondoren, obraren zati estu eta zailenari ekingo diote: Aritzaga kaleko loturari.