Gaur, hilak 28, Orion txirrindulari bat harrapatu du auto batek. N-634 errepidean izan da, 15:30ak aldera, eta Ertzaintzak KARKARAri jakinarazi dionez, oraindik ez dituzte talkaren arrazoiak argitu.
Zauritu egin da 45 urteko gizonezkoa, eta Donostiako ospitalera eraman dute. Lurrera bota du autoak, eta ondorioz hainbat kolpe zituen gorputzean. Hortaz, artatua izan zedin mugitu dute ospitalera, anbulantzian. Bizikletari dagokionez, Orioko udaletxera eraman dute, Ertzaintzaren arabera.
Une honetan, normaltasunez dabil auto zirkulazioa N-634 errepidean.