Xabier Zeberiok, Francisco Herrerok, Lorea Nuñezek eta Ivan Carmonak osatutako laukotea da Alos Quartet, eta Biolin, biola, txelo eta nyckelharpa doinuak lantzen ditu. Otsailaren 7an, ostirala, emanaldia eskainiko du Orioko Kultur Etxean, 22:00etatik aurrera. Besteak beste, Lau izeneko lanak jasotzen dituen kantuak ekarriko dituzte Oriora.
Aldez aurretik erosi behar dira sarrerak, eta 5 euroan eskuragarri daude dagoeneko. Dena den, laguntzaileen artean lau sarrera zozkatuko ditu KARKARAk. Gaurtik ostiralera, urtarrilak 31, bitartean eman dezakete izena zozketan parte hartu nahi dutenek, e-mail bidez (karkara@karkara.eus), whatsappez (688 859 682), edo telefono zenbaki horretara deituz.