Asteazken goizaldean hil zen, 96 urterekin Patxi Oliden 'Danbolin'. Lan oparoa egindakoa zen arlo askotan, eta bere heriotzaren berri izan orduko erreakzioak iristen hasi ziren KARKARAra. Atzo izan zen hileta elizkizuna, parrokian, eta herritarrak azken agurra ematera gerturatu ziren.
Elizkizunaren amaiera aldera Danbolin Musika Eskolako kideek Imanol Urkizurekin batera kantu bat eskaini zioten. Organo, klarinete, biolin eta gitarra hotsekin, "musika arloan Oriori egin zion ekarpen handia" eskertzeko. Ondoren, amaitu eta kanpora ateratzerakoan, Musika Eskolako 15 bat kidek Agurra eta Orioko Martxa jo zituzten Patxi Oliden 'Danbolinen' omenez, eta Ander Errastik dantza eskaini zion.
