Hilaren 30erako Greba Orokorra deitu dute Eskubide Sozialen Kartak eta sindikatuek Euskal Herrian. Greba herritarren artean sozializatzeko herriz herri greba batzordeak sortzen ari dira, eta Orion ere horretarako asmoa dute. Gaur egingo dute lehen bilera 18:30ean, Salatxo Aretoan.
Bertan grebaren aldarrikapenak azalduko dituzte, eta hurrengo astetarako ekintza sorta zehaztu. Herritarrak parte hartzera animatu dituzte antolatzaileek, eragileak eta herritarrak saretzeko aukera bikaina izango dela uste baitute.