Abenduaren 23an, astelehenarekin izango da bigarren ekitaldia. Xaboi eta krema naturalen tailerra, hain zuzen. Arratsaldeko 18:00etatik 20:30era bitartean izango da, Etxeluzen. Parte hartu nahi dutenek izena emateko aukera izango dute hilaren 18ra bitartean, Kolon Txikin. Plaza mugatuak ditu tailerrak eta 5 euroko balio du.
Eguberri egunean Ikatza Fest-ek hartuko du Gaztetxea, beste urte batez.18:30etik aurrera, hiru kontzertu eskainiko dituzte inguruko herrietako hiru taldek: Usurbilgo Dizerdit taldea, Zarauzko Hägendäs taldea, eta Zarauzko zein Oreretako Peedöh taldea.
Egitaraua abenduaren 28an, larunbatarekin itxiko da urteroko bertsio gauarekin.Lotsa alde batera utzi eta oholtza gainera igotzera animatu dituzte herritarrak. Parte hartu nahi dutenek, K2 eta Errusta tabernatan eman dezakete izena abenduaren 22a baino lehen. Egunean bertan, arratsaldeko 19:00etan azaldu beharko dute Etxeluzera. Horrez gain, aurrez gaztetxean entseatzeko aukera izango du nahi duenak. Entseguak adosteko, astero, astearteetan 19:30ean azaldu besterik ez dute Etxeluzera, antolatzaileak bertan egongo dira.