2018. urteko azaroaren 14an hil zen Aitor Sarasua Maritxalar bertsolaria. Aretxabaletarra zen jaiotzez, baina Oriokoak zituen gurasoak. Haren heriotzaren aurreneko urteurrenean, gogoan izan dute senideek eta gertukoek, eta musikaren bidez omendu dute. Hain zuzen, doinua jarri diete bertsolariaren hitzei, eta Ilun beltzean abestia osatu dute. Oier Sarasuak sortu du musika.
Hurbileko pertsona bat galdu zuenean idatzi zituen hitzak Sarasuak: "Oroimenean, bihotzaren magalean, joan zirenak, badiraute airean usainak bezala".
Dagoeneko ikusgai dago Ilun beltzean abestia, sareetan. KARKARAra ere ekarri dugu.