Xabier Etxeberriak bere lehen ipuin liburua kaleratu du, 'Txoria nintzela' izenburupean

Oraintsu Buyan komikia aurkeztu berri badu Martin anaiarekin batera, gaur goizean bere lehen ipuin liburua ezagutzera eman du Orioko bizilagun Xabier Etxeberriak. Elkar argitaletxearen eskutik ikusi du argia, eta Txoria nintzela izenburua jarri dio, Manolo Urbietaren haur kanta ezagunari keinu eginez; guztira, zazpi narrazio bildu ditu. Donostiako Elkar aretoan egin dute aurkezpen ekitaldia, eta idazleak Xabier Mendiguren editorea izan du alboan.