Herriko plaza zabaltzeko eta oinezkoentzako bihurtzeko lanen barruan, aldaketak izango ditu kioskoak ere. Batetik, ez du egun duen forma izango; errektangularra baizik. Garai batean ere itxura horretako egitura zuen, eta berreskuratu egingo dute. Horretarako, egun kioskoa osatzen duten piezak berrerabiltzen saiatuko dira, baina ezingo dituzte guztiak baliatu. Bestetik, plazan lekua irabazte aldera, kokapen berria emango diote kioskoari. Metro batzuk atzerago jarriko dute.