Iragan larunbatean, azaroak 2, Azpeitiko XIV. Libre Ardo Dastaketa Eguna izan zen Azpeitian. Dastaketaz gain, baina, Euskal Herriko Txorizo Egosi Txapelketa jokatu zuten, goizetik hasita. Aurten 27 harakinek hartu dute parte lehian, eta etxean geratu zen txapela; Zabala harategiak irabazi zuen txorizorik onenaren saria.
Orioko Kepa Loidi harategia ere izan zen parte hartzaileen artean, eta ez zen esku hutsik itzuli herrira. Izan ere, 38 puntu eskuratuta, bosgarren postua lortu zuen. Hala, plazako kioskoan egin zen sari banaketa ekitaldian, garaikurra jaso zuen harategiko kide batek, Mikel San Juan tailugilearen eskutik.
Zabala harategiari Olazagutiako (Nafarroa) Pako harategiak jarraitu zion, bigarren sariarekin. Segurako (Gipuzkoa) Ondarre izan zen hirugarren sailkatua, eta laugarren postua Azpeitiko Valentin Odriozola harakinarentzat izan zen.
Txorizo Egosi Lehiaketako argazki guztiak ikusteko, egin klik hemen