Gipuzkoako kluben arteko ezker hormako txapelketak Orioko frontoia hartuko du urriaren 10ean, ostiralarekin. Ligaxkako bost partida jokatuko dira arratsaldeko 18:00etatik aurrera. Eskuz banakako lehenengo urteko infantiletan, bi lehia izango dira. Orioko Etxebrria Donostiako Alde Zaharraren aurka lehiatuko da, eta Sukia, berriz, Errenteriako Eple 2ren aurka. Gomazko paleta nagusien hirugarren maila, berriz, norgehiagoka bakarra jokatuko da, Illarramendi eta Esoainek Tolosa izango dute aurkari. Jarraian, Eskuz binakako lehenengo mailako Lertxundi eta Aranaldek Lasarteko Intza bikotea izango dute, eta jardunaldia bukatzeko, gomazko paleta maila nagusian Orioko Murua eta Arrutik Tolosa izango dute lehiakide.