Aiako Udalak eta Andatzako Erromeria Elkarteak hitzarmen berri bat sinatu dute –aurreko legegintzaldian ere diru-laguntza eman zuten– erromeria hau bultzatzeko eta Andatzako kultur eskaintza mantentzeko. Hitzarmenarekin lau urterako konpromisoa hartu dute, eta horren arabera Udalak urtero 3.000 euroko diru-laguntza emango du, Nekane Arrizabalaga, Aiako alkatearen esanetan, "Trikiti doinuek astebururo Andatzako auzoan jarrai dezaten".