Esteban Maxera Jazz hirukoteak kontzertua eskainiko du hilaren 6an, ostiralarekin, hondartzako Mola-Mola tabernan. Jazz doinuak joko ditu hirukoteak, funk eta latin doinuekin nahastuta. Emanaldia gaueko 21:00etatik aurrera izango da.
Esteban Maxera
Esteban Maxera, baju jolea, luthierra eta konpositore argentinarra da. Baju eta kontrabajuko ikasketak egin zituen herriko musika eskolan eta baita Rosarioko Unibertsitatean ere. Jeff Berlin, John Stowell, Thiago Espirito Santo eta Alejandro Herrera bezalako musikariekin ikasi du gerora. 2014. urtean hasita, berak konposatutako abestiak eskaintzen ditu jendaurrean beste bi musikariz lagunduta.