Donostiako Estropadako lehen jardunaldia izan zen atzo, eta herriko traineruek bandera etxera ekartzeko aukera zabalik dute. Neskak lehenak izan ziren, bigarren sailkatuari sei segunduko errenta aterata, eta gizonezkoak, berriz, bigarren sailkatu ziren, Hondarribiarengandik bost segundura.
Aurten historian lehen aldiz, Orio Arraunketa Elkarteko emakumezkoen eta gizonezkoen traineruek Kontxako Bandera irabazi dezakete, eta arraunlariek igandeko estropadari begira azken bultzada emateko, oriotarrak ostiralean 19:00etan moilan biltzera deitu dituzte elkarteko arduradunek.