Maiatzaren 4an herrian eskaini zuen kontzertua disko batean jasoko du Olatz Zugastik eta udazkenean argitaratu. Kontzertuan, ibilbidean sortutako kanten laburpena egin zuen musikariak, bere diskoetako abestiez gain, Benito Lertxundiren abesti bat ere eskaini zuen. Lau musikari izan zituen ondoan, Ander Ederra (gitarra akustikoa eta elektrikoa), Ander Zulaika (bateria), Amaiur Cajaraville (baxua) eta Gratxina Lertxundi (teklatua, flauta, koruak). Diskoa Kantaita Enea zigiluak argitaratuko du.
Diskoa argitaratu aurretik lehen aurrerapena kaleratu du gaur, 'Azkenean Katmandu' izenpean kaleratu du lehen kanta Zugastik. Entzun, hemen.