Orio Arraunketa Elkarteko arraunlari Leandro Salvagno Panamerikar Jokoak jokatzen ari da egunotan Peruko Lima hirian. Gaur finalerako kale zozketa zehazteko estropada jokatuko du, eta ostiralean 17:10ean finala; Mexiko, Kuba, Argentina eta Brasil izango dituzte aurkari uruguairrek.
Salvagno eta Uruguaiko selekzioko kideak Arraunetxen prestatu dira azken bi hilabetetan Paramerikar Jokoetarako. Hurrengo arraunlariek osatzen dute laukoa: Leandro Salvagno, Martin Gonzalez, Marcos Sarrautek eta Bruno Cetrarok.
Salvagnok selekzioko eta Orioko arraunketa elkarteko entrenamenduak uztartu ditu azken bi hilabetetan; goizetan arraunketa olinpikoa entrenatzen zuen selekzioko kideekin, eta arratsaldetan tostako arraunketan aritzen zen traineruarekin.