Orioko Udalak jakinarazi duenez, Arrantzale kaleko zaborrontziak berrantolatu ditu, "oinezkoen segurtasunagatik". Izan ere, zebrabidea igarotzean, "ibilgailuak ikusteko zailtasunak" izan ohi zituzten oinezkoek. Zaborrontziak birkokatuta, baina, "ikusgaitasuna" hobetuko dela aurreikusi du udalak.
Hala, Arrantzale kaleko zaborrontziak atzeratu dituzte, eta hiru aparkaleku atzeratuta, bizikletentzako bi gune eta motoentzako gune bat sortu dituzte. "Motordunen aurrean", oinezkoek "herrian duten lehentasuna" azpimarratu du udalak, eta "segurtasuna bermatu" asmoz egikaritu dute berrantolaketa.