Orioko Udalak jakinarazi duenez, bihar, uztailak 24, Benta bidea asfaltatzeko lanak egingo dituzte goizean. Eremu batzuetan osorik asfaltatuko dute bidea, batez ere, goiko aldean. Bestalde, konponketa-lan batzuk ere egingo dituzte beheko aldean.
Hala, bidea itxiko dute lanek irauten duten bitartean; 08:30etik 14:30era gutxienez. Arratsalderako obrak amaitzea eta bidea irekitzea aurreikusi dute. Inguruko baserrietako bizilagunek ere "egun horretan bidea erabiltzeko zailtasunak" izan ditzaketela dio udalak; hala, autorik ez erabiltzeko gomendioa egin die. Inguruan bizi ez diren herritarrek, baina, "guztiz galarazita izango dute pasaera".
Aurrerago, segurtasun-hesiak jarriko dituzte, baina lan horiek egiteko ez dute bidea moztuko.