San Juan Koxtape arraun elkarteak jakinarazi duenez, Jose Luis Korta izango da senior gizonezkoen entrenatzaile berria. Hainbat hedabidek iragan astean jakinarazi zuten oriotarrarengana jo zuela San Juanek, Erreka ontziaren prestatzaile modura aritu dadin. Proposamena onartu berri du Kortak; hala, gutxienez denboraldia amaitu arte arituko da gizonezkoen entrenatzaile lanetan.
Kortak iaz amaitu zuen bere ibilbidea Kaikun, 10 urtez entrenatzaile modura lan egin ostean.