Orion jokatuko dituzte Donosti Cup txapelketako hainbat partida

Igande honetan hasiko da Donosti Cup futbol txapelketa. Astelehenetik ostiralera, uztailaren 8tik 12ra, hainbat partida jokatuko dituzte Orion; hain zuzen, Mendibeltz zelaian.

Mundu osko hainbat txokotatik etorritako neska-mutilek neurtuko dituzte indarrak Donosti Cup lehiaketan, egun osoan zehar. 10:00etan hasiko dituzte partidak. Lotura honetan ikus daitezke Orion jokatuko dituzten partiden ordutegiak.

Orioko bi taldek hartuko dute parte txapelketan; B-14 mailan batak, eta B-13 mailan besteak.