Gero eta gutxiago geratzen da uda hasteko, eta dagoeneko jakinarazi dute noiz jarriko duten martxan Orioko txu-txu trena. Datorren larunbatetik aurrera, ekainak 22, izango da berriz trenean ibiltzeko aukera, irailaren 8ra arte.
Goizez zein arratsaldez izango da martxan; hain zuzen, 11:00etatik 14:00etara eta 15:30etik 20:00etara. Trenean bertan erosi daitezke trenean ibiltzeko txartelak. Euro bat balio du txartel bakoitzak, eta hamar erosiz gero prezio berezia eskaintzen dute; 6 euroren truke eskuratu daitezke 10 txartel.
Orioko erdigunea eta hondartza lotzen ditu txu-txu trenak, 15 minuturo.