Bilboko Bilbo Zaharra euskaltegiko kideen eskutik, Klasikoen Irakurketa Jarraitua literatur jardunaldia egin dute aurten ere, 12. urtez jarraian. Oraingoan, Anjel Lertxundiren Otto Pette liburua landu dute. Hala, atzo, osteguna, ehunka pertsona bildu ziren Bilboko Arriaga antzokian. 08:00etan zuten hitzordua, eta 12 orduz jarraian, Lertxundiren lana irakurri zuten, txandaka.
Lertxundi bertan izan zen, baita entzute handiko pertsona gehiago ere; hala nola, Miren Agur Meabe, Toti Martinez de Lezea eta Txani Rodriguez idazleak; Aitor Etxebarria, Natxo de Felipeeta Josi Gimenez musikariak; Patxo Telleria, Asier Hormaza eta Mikel Martinez aktoreak; edota Juan Mari Aburto Bilboko alkatea.
Hona hemen EITB-k Klasikoen Irakurketa Jarraituan jasotako irudiak