Larunbat honetan, ekainak 1, Kaosa eta dilistak jaialdia izango da Orioko Etxeluze Gaztetxean. Eguerdian hasiko da egitaraua; 12:00etan dilista txapelketa egingo dute eta, jarraian, 14:00etan hasita, herri bazkaria izango da. Arratsalderako herri jolasak prestatu dituzte gaztetxeko kideek, eta txapela jantzita bertaratzeko deia luzatu dute.
Gauean, 20:00etatik aurrera, bederatzi talde igoko dira Etxeluzeko oholtza gainera: Lokuria, Managaitz, Disasko, Peëdog, Saña, Polikarpa y Sus Viciosas, Kamorräh, Cult Of Misery eta Polemika.