Orioko Balearen Eguna izan zen atzo, maiatzak 14, eta ospakizunetan murgildu ziren Zaragueta Herri Eskolako haurrak eta ikasleak. 10:00etan Balearen Plazara joan ziren, "ilusioz beteta zapia lepoan", eta hainbat abesti kantatu zituzten; besteak beste, Balearen bertsoak, Orioko zuluan eta Bertso txiki bat. Karramarroen dantza ere egin zuten, eta jarraian, hamaiketakoa izan zuten.
Orioko Eguneko Zentrora bertaratu ziren ondoren, eta han ere kantu artean eman zieten jarraipena ospakizunei.
