Orioko Zaharren Babaslekuak irteera antolatu du ekainaren 26rako. Oraingo honetan Kantabriako Santander hiria ezagutuko dute. 08:30ean irtengo dira Orioko autobus geltokitik, eta bazkalaurretik denbora librea izango dute Santander hiria ezagutzeko.
14:00etan bazkaria egingo dute Querida Margarita jatetxean, eta hurrengoa izango da menua: Entsalada tradizionala, mendrezka eta ahuakatearekin, legatz-solomoa labean erreta patata marinerekin, tenperatura baxuan egindako arkumea, marrubiak natarekin, edariak eta kafea.
Irteeraren prezioa 35 eurokoa izango da, eta ekainaren 10ean jarriko dituzte txartelak salgai, 16:00etatik 18:00etara. Zaharren Babeslekutik jakinarazi dute, autobuseko plazak zozketa bidez esleituko direla.