Orioko EH Bilduk udal hauteskundeetara aurkeztuko duen taldearen jendaurreko aurkezpena egingo du ostiralean, 19:00etan hasita, Herriko Plazan. Orioko EH Bilduk jakinarazi duenez, “Udalak eta Orioko herriak ezinbestean behar duen aldaketa gidatuko duen talde-proiektua da gurea”. Anuska Esnal izango da EH Bilduren alkategaia, eta haren bueltan osatutako taldea “anitza, sendoa eta orekatua” dela nabarmendu dute koaliziotik.
Bestalde, jakinarazi dute aurrez eragileekin egindako bilera "emankorren" ondotik, talde-hautagaitza jendaurrean aurkeztuko da hauteskunde kanpainan erabat murgildu aurretik.