Espainiako Gorteetarako hauteskunde eguna da gaur, igandea, eta herritarrek Kongresurako eta Senaturako ordezkariak aukeratuko dituzte. 09:00az geroztik, zabalik daude hautetsontziak, eta Orioko eta Aiako herritarrak ari dira apurka-apurka botoa ematen dagokien hauteslekuetan. Oro har, herritarren joan-etorria nabaria da, eta zenbaitetan ilararik ere sortu dira. Dena den, normaltasuna da nagusi hauteslekuetan.
Orion, 4.488 pertsona daude botoa ematera deituta, Aian, 1.546 eta herritarrek 20:00ak arte dute horretarako aukera, orduan itxiko baitituzte hautetsontziak. Urola Kostako Hitzak jarraipen berezia egingo du hauteskunde egunean zehar, eta emaitzen berri emango du iluntzetik aurrera.