Juanjo Eslava konpositoreak sortu du Oteiza opera, eta horrekin Jorge Oteiza artista oriotarraren lanaren interpretazioa egin nahi izan du. Asteartean, opera lanaren aurkezpenean sortzaileak azaldu zuen, sortze prozesuan Oteizaren pentsamendu metafisikoa izan zuela oinarrian, eta musikaren bidez bere lana interpretatzen saiatu dela. Oteiza opera Universidad de Navarra Museoak, Jorge Oteiza Fundazioak eta E7.2. kolektiboak ekoiztu dute.
Oteiza opera maiatzaren 9an estreinatuko da Universidad de Navarra Museoko aretoan. Emanaldia 19:30ean izango da, eta sarrerak salgai jarri dituzte 12 eta 14 eurotan.