Orio Arraun Elkarteko arraunlarientzat estropadaz betetako asteburua izango da datorrena.
Alde batetik, senior mailako gizonezkoen zortzikoa asteburuan Londresen izango da, Head of the River Race estropada jokatzen. Bestetik, larunbatean gizonezkoen eta emakumezkoen traineruek hitzordua izango dute San Pedron, 16:30ean hasita. Gainera, harrobiko gazteek Gipuzkoako Batel Ligako jardunaldia izango dute Errenterian, Hibaika elkarteak antolatuta.
Igandean ere batel estropadak izango dira Pasai San Juanen. Liga amaierako jardunaldia izango da eta sariak banatuko dituzte.