Abenduaren 23an, igandea, jokatuko dute III. Saizar Idi Demako finala, Gipuzkoako Kintopeko Ligaren barruan. 18:00etan izango da saioa, Errezilgo probalekuan. Hiru finalistetako bat da Iñaki Oliden oriotarra, Isidro erretegiarekin eta Ipiñarrietarekin batera. Irabazleak 1.400 euro, mantak eta trofeoa eskuratuko ditu; bigarren egiten duenak, 1.200 euro eta trofeoa irabaziko ditu, eta hirugarrenak, 1.000 euro eta trofeoa.