Ekain Martinez de Lizarduy zuzendari eta gidoigilearen eskutik, larunbatean, abenduak 1, Aretxabaletan estreinatu zuten Erraiak izeneko dokumentala, irrintziari buruz egiten den lehenengoa. Martinez de Lizarduyen esanetan, "irrintzia barru-barrutik ateratzen den eta beste zerbaitekin lotzen gaituen oihua da". Euskal Herri osoko testigantzak bildu dituzte dokumentalean, eta Nerea Txirrita oriotarrak ere parte hartu du.