Erakusketa azaroaren 19tik 25era bitartean izango da ikusgai Orion, eta kultur etxea zabalik dagoen orduetan bisitatu ahalko da.
‘Motxiladun’ haurrek bizipenak
Euskal presoen urrunketa dela-eta, asko dira astebururo milaka kilometro errepidean egin behar dituzten haurrak, beren aisialdia eta atseden-garaia autobusean aita edo ama bisitatzen pasatzen dutenak. Haur horien bizipenak irudikatu nahi ditu erakusketak, ikuslea haien azalean jartzeko.
Erakusketak hiru gune eskaintzen ditu: batetik testigantza errealetatik ateratako bizipenak irudikatzen dituzten 12 marrazki daude; bestetik haur eta familien egoeren berri emateko roll-up informatiboak egongo dira eta, azkenik, gune interaktiboan, zentzumenetatik haurrak jasotzen duena irudikatu nahi izan dute.