Eusko Jaurlaritzak hainbat lan egin behar ditu Orioko portuan, plaza oinezkoentzat utzi eta autoen herriko sartu-irteerak kai aldetik egitea posible izateko. Lanak Herriko Plaza 5 eraikinaren parean egingo dituzte, eta tarte horretan kai aurreratua egingo da.
Lan horiek kofinantzatzeko, hitzarmena sinatuko dute Udalak eta Eusko Jaurlaritzako Portu Zuzendaritzak bihar ostirala, azaroak 16, 16:00etan, Orioko udaletxean. Bertan izango dira, Orioko Udaleko ordezkariez gain, Arantxa Tapia Ekonomiaren Garapena eta Azpiegituretako sailburua eta Aitor Etxebarria Portu zuzendaria.