Anibarko Portuko Garmendiazpi auzo elkarteak gaztain-erre jana antolatu du larunbaterako. 17:00etan ekingo diote festatxoari, eta gaztaina erreak eta sagardoa dastatzeko aukera izango dute bertaratzen direnek. Horrez gain, musika ere izango da.
Auzotarrak eta oriotarrak Anibarko Portuko gaztaina-janera gonbidatu ditu auzo elkarteak, lagun giroan arratsalde-pasa ederra egitera.