Esku harriak, Oteizaren (h)aria ikuskizunaz gozatzeko aukera izan da gaur, Jorge Oteizaren jaiotzaren 110. urteurrenean. MugMus Kultur Laborategiko kideek eta Andoni Egaña bertsolariak ordu erdiko obra eskaini dute, eta herritar mordoxka bildu da herriko plazan. Dantza, bertsoak eta musika uztartu dituen emanaldiarekin eman zaio itxiera KARKARAk eta Orioko Udalak elkarlanean antolatu duten Oteiza asteari.