Orioko Xaltxerak talde feministak antzerki tailerra antolatu du urriaren 18rako, ostegunarekin. Salatxo Aretoan izango da, 18:00etatik 20:00etara, eta Iraia Eliasek gidatuko du saioa. 18 urtetik gorako emakumeei zuzendua dago, eta parte hartu nahi duenek Orioko Kultur Etxean edo e-postaz oriofeminista@gmail.com helbidera idatzita izena eman dezakete, urriaren 15a baino lehen.