Urriaren 6an Orioko Gozategi taldeak kontzertua eskainiko du Usurbilgo Aginaga auzoan, San Praxku Jaien barruan. Frontoian izango da emanaldia, eta hainbat talde igoko dira oholtza gainera.
19:00etan hasiko da saioa Elektropapo elektrotxarangarekin; 22:00etan DJ Bullek eta Akelarrek kontzertua eskainiko dute 12 euroren truke, eta 02:00etatik aurrera Gozategi taldeak doako kontzertua emango du.
DJ Bullek eta Akelarreren kontzerturako sarrerak salgai jarriko dituzte irailaren 8an, larunbatean, Aginagako Eliza Zaharrean. Taberna 16:00etan irekiko dute, eta tiketera 19:00etan.