Bosgarren izan dira Orioko gizonezkoak Zarautzen

XLI. Zarauzko Estropadetako bandera erdia beregaratu du Urdaibaik gaur arratsaldean, 19:58,52ko denborarekin. Bigarren sailkatu den Hondarribiari 8 segundo atera dizkio, eta gainerako guztiei 20 segundotik gora. Orio laugarren izan da ohorezko txandan, baina sailkapenean bosgarren geratu da, ia 30 segundora. Bihar eguerdian jokatuko dute bigarren jardunadia.