Zarauzko X. Ikurrina dago jokoan asteburu honetan, eta lehen jardunaldian San Juan izan da garaile, 11:08,26 segundorekin. Edonola ere, Oriok ez dizkio gauzak erraz utzi, eta uneoro gainean izan du. Azken luzearen bukaeran olatua hartu dute batelerek, eta bi segundoko aldearekin nagusitu dira. Arraun Lagunak eta Hondarribia, berriz, oso atzean geratu dira.
Bihar eguerdian jokatuko dute bigarren jardunaldia –eta Euskotren Ligako aurtengo azken estropada–, eta orduan erabakiko da bandera norentzat izango den. 11:45ean ekingo zaio, eta arraunean hasi aurretik, San Juanek ligako irabazlearen garaikurra jasoko du.
Argazkiak: Iban Egiguren
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!