Asteazkenean eguerdiko 12:00etan amaitu zen Espainiako Txapelketan izena emateko epea, eta Espainiako Arraun Federaziotik azaldu dutenez, gizonezkoen kategoriako bost traineruk eman dute izena. Beraz, 2018ko Espainiako Traineru Txapelketa estropada batera jokatuko dute Castron, abuztuaren 4an, larunbatean, 18:00etan hasita.
Euskadiko Traineru Txapelketan Orio Arraunketa Elkarteko ordezkariek aurreratu zuten moduan, Orioko gizonezkoen trainerua Espainiako Txapelketan izango da, Urdaibai, Hondarribia, Zierbena eta Ares taldeekin batera.