Jende ugari bildu da San Pedro eguneko arratsaldeko ekimenetan. Eguzki ederra lagun, kuadrillen arteko batel lehiaketak saltsa piztu du errioan. Plazan, ordu berean, entzule dezente juntatu da trikitilari txapelketan, eta gero, are gehiago, hainbat herritarren soka dantza ikusteko. Elektrotxufla txarangarekin ere gazte jende ugari ibili da herriko kaleetan barrena.