Orioko Zaragueta Herri Eskolak 3x3 futbol txapelketaren bigarren edizioa antolatu du sanpedroetarako. Jokalariek adinaren arabera antolatutako kategoriatan jokatuko dituzte partidak. Txapelketa irekia da herritar guztientzat, eta sei urtetik aurrerako haurrek zein helduek parte hartu dezakete.
Izen ematea Karela kiroldegian edo Zaragueta eskolan egin behar da, ekainaren 22a baino lehenago. Parte hartzaile bakoitzak lau euro ordaindu beharko ditu txapelketa jokatu ahal izateko.