Denboraldia bikaina ari da izaten Aiala taldeko kadete neskentzat. Apirila amaieran Euskadiko txapeldun izatea lortu ostean, Zarautzen jokatutako fasean Espainiako txapelketarako txartela eskuratu zuten.
Hain zuzen, Alicanten egunotan ari dira zortzi talde Espainiako txapelketa jokatzen. Lauko bi multzotan banatuta jokatuko dituzte norgehiagokak, eta lau talde onenak finalerako sailkatuko dira.
Orion bizi den Garikoitz Garagarzak entrenatzen duen eskubaloi taldeak, atzo lehen partida irabazi zuen La Rocaren (Kataluniako txapelduna) kontra, 18-20 emaitzarekin. Gaur eta bihar jokatuko dituzte geratzen zaizkien ligaxkako bi partidak.