Espainiako kadete nesken eskubaloi txapelketan izango dira sei oriotar

Espainiako kadete nesken eskubaloi txapelketa jokatuko dute zortzi taldek Eldan (Alacant), maiatzaren 30etik ekainaren 3ra bitartean. Naia Makazaga, Alaine Garro, Laida Urbitarte, Maria Zaldua, Sara Mugika eta Amaia Rodriguez oriotarrak izango dira bertan, Zarauzko Aiala eskubaloi taldearekin. Bigarren multzoan jokatuko dute, Felmar La Rocaren, Handbol Mislataren eta A.D. La Jotaren aurka.