Larunbatean, irailaren 23an, ospatu zituzten gazte festak Orioko gazteek. Piraten danborradarekin eman zioten hasiera festa egunari; errefuxiatuen aldekoa zen danborrada, eta Europako horma zeharkatu zuten plazan. Eguerdian, paella lehiaketa izan zen Etxeluze kanpoan eta, ondoren, Elektrotxufla elektrotxarangarekin herrian zehar ibili ziren. Gauean etxeluzen jarraitu zuen festak, erromeriarekin.