.jpg)
Atzoko Bonoloto zozketan ez zen lehen mailako irabazlerik izan, baina Orioko Loteria Adimistrazioak balioztatutako boleto batek bigarren mailako saria irabazi du, 163.758 euro hain zuzen ere. Irabazleak zortzi apustutako asteko boletoa bete zuen, eta bost eta osagarria asmatu ditu.
Tere Jesus Carrera Solaberrieta loteria administrazioko kudeatzailea “oso gustura” agertu da albisterekin. “Oraindik ez dakigu nor den irabazlea, baina oso pozik gaude sari potoloa eman dugulako”, adierazi du oriotarrak. Dena dela, ez da Orioko Loteria Administrazioak ematen duen lehen saria izan, lehendik ere beste bost sari eman baitituzte bertan. “Herrian tokatzea oso pozgarria da, eta jokatzeko ohitura duen jendea animatu egiten da gainera. Izan ere, edonori tokatu dakioke”.