Erak zentroak antolatuta, Hossain Kaanache hezitzaileak nerabezaroaren inguruko hitzaldia eskainiko du martxoaren 8an, 19:00etan Orioko Kultur Etxean. Gurasoei eta nerabeekin hartu-emana duten pertsonei zuzendutako hitzaldia izango da, eta garai horretan gazteek bizi dituzten aldaketak ulertzeko gakoak eskainiko ditu Kaanachek. Bestalde, seme-alaben nerabezaroaren aurrean, gurasoek dituzten zalantzak eta beldurrak argitzen saiatuko da Kaanache hitzaldian.