Orioko herriko haurrak elkartu eta elkarrekin kantuan aritzen dira abenduaren 24an. Goizeko 10:45ean elkartzen dira Ikastola ondoko plazan eta handik hasita, kalez kale ibiltzen dira. Zaragueta Herri Eskolako, Orioko Herri Ikastolako eta Danbolin musika eskolako haur, irakasle eta gurasoak hartzen dute parte kantu-saioan.
Horrez gain, 11:00etan, herriko plazan, Tonbola antolatu dute Ikastolako DBHko ikasleek.