Herrian bertan joko duzue, Gaztetxean. Berezia al da zuentzat skate parkaren inaugurazioan jotzea?
Bai. Hainbat arrazoiengatik da guretzat berezia. Gure lehen aldia da talde moduan jendaurrean jotzen dugula; gainera, etxean jotzen dugu, gure lagunen aurrean; eta, horrez gain, gaztetxeko skate park berriaren inaugurazioa da. Gu ere skate parkea egiten laguntzen ibili gara eta inauguratzeak ilusioa egiten digu.
Herrian idarra hartzen ari da gaztetxea. Euskal Herriko musika sarean gaztetxeen ezinbestekoak iruditzen al zaizkizue?
Gaztetxea indarra hartzen ari da eta hori pozgarria da! Gaztetxeak Euskal Herriko musika sarean ere ezinbestekoak direla uste dugu, musika talde txikientzak aukera ona baitira kontzertua antolatu eta berek egiten dakitena jendeaurrean erakusteko.
Musikarentzat ez ezik, komunitatea egiteko ere garrantzitsua da askorentzat gaztetxea. Zuentzat ere bai?
Bai, oso garrantzitsua da. Musikaz gain beste hainbat gauza antolatu eta egiten dira gaztetxean. Sormena lantzeko eta ondo pasatzeko toki aproposa da eta adin ezberdineko jendearekin harremana egiten laguntzen du.
Parrazta taldea izango duzue oholtza lagun...
Zoragarria da hori! Berak ezagutzen ditugu, lagunak dira! Gure gitarristetako baten beste taldea ere bada eta lehenengo kontzertua lagunen artean jotzeak asko laguntzen du.
Gogotsu orduan, ezta?
Bai! Taldeko lau partaideak gogotsu gaude, bi hilabetez egon gara ensaiatzen eta jendaurrean jotzeko gogo handia daukagu. Gainera, Orion aspaldian ez da herrian sortutako musikarik entzun eta herrian musikaren grina piztu nahi dugu !
